Преку Фондацијата „е-Македонија“, Македонски Телеком ја поддржува идејата на Претседателот Трајковски за промовирање на Република Македонија како мрежно поврзан економски модел. Промовирајќи информатички и комуникациски технологии (ИКТ), ние ја промовираме и економијата на земјата со тоа што ги нагласуваме споредливите предности, како повисок степен на образование на населението, високо развиена телекомуникациска инфраструктура со широк спектар на услуги, популарност на Интернетот кај младата популација, познавање на работа со компјутери кај сите граѓани, особено кај оние коишто се дел од вработената работна сила.
Ние ќе поддржуваме различни програми преку директни донации и придонеси. Ние би сакале нашите донации да служат како посредници коишто ќе им помогнат на организациите и на локалните заедници да ја развијат информатичката инфраструктура и да им одговорат на предизвиците на општеството во коешто постојано се појавуваат нови сознанија.
Наша цел е да го зголемиме нивото на ИКТ вештини во општеството, зголемувајќи ја довербата на корисниците во употребата на компјутери и создавајќи пристап до е-општеството за сите граѓани.
