Во насока да биде поедноставно Вашето аплицирањето на конкурсот на Фондацијата е-Македонија Ве молиме користете ги овие верзии (македонски и англиски).

Фондацијата „е-Македонија“ врз основа на член 7 од Статутот, како и годишната програма за работа на Фондацијата „е-Македонија“, за периодот од 10.10.2007 до 10.11.2007 година, објавува

ОГЛАС број 004

За прибирање барања за подршка на проекти, или институции што ќе бидат помогнати од Фондацијата е- Македонија ( со целосно или делумно покривање на трошоците).

1. Доставените барања за подршка на проекти или институции треба да се однесуваат за настани или институции што се однесуваат, односно дејствуваат за подобрување на условите за информатичкото општество.
2. Право да достават проект врз основа на овој оглас имаат сите организации и институции што се регистрирани во Република Македонија, а кои во рамките на своите дејности и цели се грижат за подобрување на условите во информатичкото општество.
3. Организациите или институциите од точка 2 треба да достават:

a. Прелиминарна документација

• Заверена фотокопија на Актите за основање на здружение и институција (Статут, Регистрација, Годишна програма на активности и сл.);
• Референтна листа на здружението или институцијата за организирање на истородни или слични проекти, за какви се бара подршка.

б.    Документација за проектот

План на проектот изработен според Апликацијата, доставен во 4 примероци (2 на македонски и 2 на англиски)
4. Управниот Одбор на Фондацијата „е-Македонија“ ќе врши избор од доставените барања за помош врз основа на квалитетот на доставениот проект, квантитетот т.е опфатеноста на информатичката едукација и образование во проектот, бараните парични средства, значењето на проектот за Република Македонија, досегашното искуство на здружението или институцијата во организирањето на сродни или слични проекти;
5. Рок за доставување на барањата: 30 дена од денот на објавување на огласот во средствата за јавно информирање;
6. Барањата да се доставуваат во затворен коверт со назнака „за оглас реф.бр. Ф-004“ исклучиво преку пошта со препорачана пратка на адреса: Фондација „е-Македонија“ на АД „Македонски телекомуникации“  ул. Орце Николов“ бб Скопје
7. Фондацијата се обврзува да достави одговор на сите доставени барања за поддршка, не подолго од 30 дена од денот на нивното примање;
8. Фондацијата ќе поднесе и ќе потпише детален договор со оние чии што проекти ќе бидат одобрени и спонзорирани;
9. Фондацијата „е-Македонија“ преку свои органи го задржува правото да не избере ниту еден од проектите за кои е побарана помош.
Вкупниот износ на овој конкурс за подршка на проекти за развој на информатичкото општество изнесува 50. 000 евра.